ANTROXU 2018

438320346_294096 (1)

Xueves 8- Comadres. Uvieu Antiguo y Gascona 20:00h

Sabadu 10 – Sabadu Frixueleru. Uvieu Antiguo y Gascona 18:00h / 22:00h

Domingu 11: Domingu Larderu. Uvieu Antiguo y Gascona 12:00h/ 15:00h

Llunes 12: LLunes Gordu. Antroxu Infantil, Plaza’l Paragües 17:00h

Martes 13: Martes d’Antroxu, entierro la Sardina. Uvieu Antiguo y Gascona. 20:00h / 24:00h

Sabadu 17: Desfile municipal d’antroxu. 18:00h

27654940_120596722091800_7649064490811837986_n (1)

Mazcaritos d’Uviéu

mazcaritosLOGOMAZCARITOS D’UVIÉU
Mazcaraes d’Antroxu nel Conceyu d’Uviéu. Hai noticia d’ellos dende’l sieglu XVII, foron escaeciendo nel XX  y desapaecieron al ser prohibíos pola dictadura franquista. Les mazcaraes remanecen nos cuadros del pintor asturiano Evaristo Valle (1928) y la tradición oral.
-“Mazcarita, ¿conócesme?” yera la entruga que facíen estos mazcaritos como LA DESTROZONA, un home antroxáu de  bruxa que diba  escorriendo a la xente cola escoba. Ye una mazcarada urbana que ta en procesu de recuperación, tres d’unos 80 años d’ausencia. Esti añu 2017 una comparsa de Paraíso Local Creativo corrió’l’antroxu peles cais del barriu antiguo de la ciudá d’Uviéu.

los Mazcaritos d’Uviéu en Facebook [www.facebook.com/Mazcaritos] y en Youtube [www.youtube.com/channel/UCrHxKKkRZb7hSlcYY3FKBhw]

Mascaradas de Antroxu en el Concejo de Oviedo. Hay noticias de ellos desde el siglo XVII, fueron decayendo en el XX y desaparecieron al ser prohibidos por la dictadura franquista. Las mascaradas aparecen en los cuadros del pintor asturiano Evaristo Valle (1928) y la tradición oral. -“Mascarita, ¿me conoces?” era la pregunta que hacían estos mascaritos como LA DESTROZONA, un hombre disfrazado de  bruja que iba persiguiendo a la gente con la escoba. Es una mascarada urbana que está en proceso de recuperación, tras 80 años de ausencia. Este año 2017 una comparsa de Paraíso Local Creativo corrió el antroxu por las calles del barrio antiguo de la ciudad de Oviedo.

16939526_10158257925235321_4071253858416451339_n

MAZCARITOS D’UVIÉU PERSONAXES

destrozona

LA DESTROZONA

Mazcarita señera del Antroxu d’Uviéu. Ye un home travistíu de bruxa que va escorriendo la xente a escobazos, dando glayíos, provocando con xestos y coples d’escarniu a l’autoridá. Remóntase al sieglu XIX. Torna volando nel XXI y embruxa la ciudá.

Mascarita principal del Antroxu de Oviedo. Es un hombre travestido de bruja que va persiguiendo a la gente a escobazos, dando gritos, provocando con gestos y coplas satíricas a la autoridad. Se remonta al siglo XIX. Retorna volando en el XXI y embruja la ciudad.

LOS ZAPARRASTROS

ZAPARRASTROLos ZAPARRASTROS son mazcaritos de la zona rural del Conceyu. Van antroxaos de sacos con sombreros o capechos, pelleyes, fardeles y cencerros que ximielguen saltando y blincando pa facelos sonar. Pol nome paecen tar asemeyaos a los d’otros pueblos d’Asturies.

Los ZAPARRASTROS son mascaritos de la zona rural del Concejo. Van disfrazados de sacos, con sombreros o caperuzas, pieles, trapos andrajosos y cencerros que hacen sonar dando saltos. Por el nombre parecen similares a los de otros pueblos de Asturias.

LOS SÁBANOS SABANOS

Los SÁBANOS cuerren l’antroxu con sábanes, cobertores o ropa blanco de cama. Lleven un picorniu -gorru de picu forráu de tela, orniáu con tires o flores de trapu- y caretes de pelleyu o cartón. Píntalos baillando la Mazcarada n’Uviéu d’Evaristo Valle en 1928 y falen d’ellos los informantes más vieyos.

Los SÁBANOS corren el antroxu con sábanas, mantas o ropa blanca de cama. Llevan un picorniu – gorro picudo forrado de tela, adornado con tiras o flores de trapo- y caretas de cuero o cartón. Los pinta bailando la Mascarada en Oviedo de Evaristo Valle en 1928 y hablan de ellos los informantes más viejos.

EL GALÁN Y LA MADAMA

MADAMEYGALANAEsta pareya fai una comedia típica de les mazcaraes, aguinaldos y antroxos d’Asturies: La emperexilada MADAMA ye un mozu que va del brazu del GALÁN, moza entraxetada de señoritu con bombín. Les comedies y entremeses del XVII representaben estos personaxes.

Esta pareja hace una comedia típica de las mascaradas, aguinaldos y antroxos de Asturias: La remilgada MADAMA es un mozo que va del brazo del GALÁN, moza trajeada de señorito con bombín. Las comedias y entremeses del XVII representaban estos personajes.

LA ROLLONA COL NEÑU Y EL SOLDÁU

postalesMAZCARITOSfetenLA ROLLONA ye un paisanu antroxáu d’ama de cría que-y da la teta a un NEÑU malcriáu con barba y faldones de cristianar. Cortéxala un SOLDÁU y faen la comedia del Partu de la Rollona. Estos personaxes documéntense nes moxigangues del Corpus del sieglu XVII.

La ROLLONA es un paisano disfrazado de ama de cría que amamanta un NIÑO malcriado con barba y faldones de bautizo. La corteja un SOLDADO y hacen la comedia del Parto de la Rollona. Estos personajes se documentan en mojigangas del Corpus del siglo XVII.

EL ZUAVU

Soldáu vistíu a la turca. Antroxar con uniforme melitar yera vezu nuna ciudá con cuartel y fábrica d’armes. La comparsa de Zuavos documéntase nel Llibru d’Uviéu de Fermín Canella, al decayer los antroxos populares del sieglu XIX

Soldado vestido a la turca. Disfrazarse con uniforme militar era frecuente en una ciudad con cuartel y fábrica de armas. La comparsa de Zuavos se documenta en el Libro de Oviedo de Fermín Canella, al decaer los antroxos populares del siglo XIX.

EL CURA Y EL DIAÑU

El DIAÑU COLORÁU ye un trasgu faciendo trastaes. Apaez na Mazcarada n’Uviéu de Valle. DIAÑOYCURAAnda a tema col CURA empecatáu, que lu esconxura por facer risión d’una falsa beatería. Sabemos d’una muyer qu’antroxaba con bonete y sotana pelos años 50 del sieglu pasáu. Malañu pal pecáu.

El DIABLO COLORAO es un trasgo haciendo trastadas. Aparece en la Mascarada en Oviedo de Valle. Disputa con el CURA pecador, que lo exorciza por burlarse de la falsa beatería. Sabemos de una mujer que se disfrazaba con bonete y sotana por los años 50 del siglo pasado. Mal año para pecar.

LA OSA Y LOS ZÍNGAROS

OSAL’Osu de les mazcaráes d’iviernu tien tradición urbana n’Uviéu. Na ciudá vivió la OSA Petra dando vueltes a la xaula nel Campo San Francisco. Da otra vuelta colos ZÍNGAROS o XITANOS y bailla la danza l’osu atada de la cadena.

El Oso de las mascaradas de invierno tiene en Oviedo tradición urbana. En la ciudad vivió la OSA Petra dando vueltas a la jaula en el Campo San Francisco. Vuelve con los ZÍNGAROS o GITANOS y baila la danza del oso atada de la cadena.

El CIEGU Y LA CIEGACIEGOYCIEGA

Los CIEGOS ven les lletres invisibles de la hestoria de la ciudá, recueyen los cantares d’antroxu en pliegos de cordel y al son de la zanfona canten les Coples del Coque recreando la tradición oral.

Los CIEGOS ven las letras invisibles de la historia de la ciudad, recojen cantares de antroxu en pliegos de cordel y al son de la zanfona cantan las Coplas del Coque recreando la tradición oral.

EL CAPITÁN DE COMPARSA

La Comparsa del Antroxu va al mandu d’un CAPITÁN o MANDÓN, vistíu de blanco y gorru pelleya como GUIRRIU con casaca militar. Ye’l que guía la tropina y arma la danza.

La Comparsa del Antroxu va al mando de un CAPITÁN o MANDÓN, vestido de blanco y gorro de pellejo como GUIRRIU con casaca militar. Es el que guía la tropa y organiza la danza.

Mazcaritos d’Uvieu 2017

Paraíso LC recupera esti añu 2017 los Mazcaritos del Antroxu tradicional d’Uviéu. A partir de los pocos documentos hestóricos que se conocen y datos de información oral recreamos dellos personaxes como la Destrozona, los zaparrastros, los sábanos, la Rollona, l’Húngaru y l’Osu o’l Zuavu.
Una comparsa folixera va “correr l’antroxu” peles cais del barriu antiguo pidiendo l’aguinaldo per chigres y places.

Ye muncho la xente que ta collaborando con Paraíso LC y citala diba ser imposible. Dámos-yos les gracies a toos y toes y n’especial a Xelín el maestru, los Gascones, Sole Pozuelo, María Lavilla y l’asociación Gascona, Asturias Acoge, yetooponese, Pablo de los Sidros de Valdesoto, a Ramsés y Ambás qu’ acaben de recuperar los aguinaldeiros de San Xuan de Villapañada, y el sofito de Faciendo Ciudá … De xuro quedará dalguien… Gracies!!
photo_2017-02-21_20-21-52

Programa:

Mazcaritos l’Antroxu tradicional d’Uviéu:
Salíes de Paraíso LC.

23 febreru: 20:00 h.
Xueves de Comadres:

25 febreru: 18:30 h
Sábadu Frixueleru:

26 febreru: 12:30 h.
Domingu Larderu:

28 febreru: 20:00 h.
Martes d’Antroxu

LA COMPARSA CUERRE L’ANTROXU PEL UVIÉU ANTIGUO.

Fulanu o fulana antroxasti? pos sinon antroxasti, antroxa!!

Antroxu tradicional d’Uvieu

L’ANTROXU

TRADICIONAL D’UVIÉU

proyeutu de recuperación – 2017

Paraíso Local Creativo propón recuperar nel barriu Antiguo l’antroxu tradicional d’Uviéu. Obra en procesu que pasa pola conocencia de les mazcaraes d’iviernu n’Asturies, l’estudiu de cuadros d’Evaristo Valle, el trabayu de campu nel Conceyu a la gueta la memoria de vieyes y vieyos que recuerden daqué del antroxu carbayón escaecío dende la República, prohibío pol franquismu y tovía non retornao a la nuestra ciudá. Facer personaxes, mazcaritos, antroxos, coples, comedies, dances del osu, folixa, fartura, música ratonera y sacar a la cai una comparsa pa correr l’Antroxu 2017 a la moda les mazcaraes de les nuestres güeles y los nuestros güelos.

Antroxu ye’l nome asturiano nel Conceyu d’Uviéu (en dellos otros: Antrueyu, Antruidu, Antroidu, Entroido). Remanez del llatín introitus (entrada, entamu), yera entrada al añu nuevu. Si falamos de la memoria escaecida, de recuperar l’antroxu tradicional, nun podemos facelo n’otra llingua. La pallabra crea’l mundu. Y l’antroxu de vieyo nun pue dicise d’otra manera. El mazcaritu o marutu fala n’asturianu o queda mudino, saca la llingua perbaxo’l caretu y fala con aspavientos pa que naide nun-y conoza la voz.

-¿Mazcarita, conócesme?…

A Uviéu tornó nos años 80 el Carnaval. Antroxaron les cais, pero siguieron escaeciendo los vezos. Vineron les modes foriates de los Carnavales de Río, de Tenerife, de Cádiz o de Venecia. Les folixes son prestoses, pero los festeyos son formes d’aculturación. Disfrazar, disfrácense guapamente. Pero nun antroxen.

Antroxar ye otra cosa.

 

LES MAZCARAES D’ANTROXU

Los antroxos y mazcaraes remóntense a la dómina medieval.  Les caberes versiones n’Asturies son del sieglu XIX y primer mitá del XX. Yá taben pa morrer, prohibióles la Dictadura y perdiéronse nes villes y ciudaes. Cola Democracia los conceyos rescataron l’Antroxu, pero perdieron la tradición.

Una decena mazcaraes sobrevivieron, cuasi toes recuperaes:

Los Sidros y Les Comedies (Valdesoto, Siero) El Guirria (San Xuan de Beleño, Ponga) Os Reises d’El Valledor (Ayande), Os Reises de Tormaleo (Ibias), Los Aguilanderos de Xedré o La Puela, Los Aguilandeiros de San Xuan de Villapañada (Grau) y Los Guilandeiros de Tinéu. Anguaño ta dalguna más en procesu de recuperación: Los Mazcaritos en Maliayo, o Los Payones en Grau.

Los Bardancos de Casu, Las Comparsas de Quirós, Los Zamarrones de Ḷḷena, o Los Zaparrastros d’Ayer, tán estudiaes, sábese cómo yeren, pero hasta que les recree dafechu la xente tán aselando na hibernación.

 

 ANTROXU EN CUARESMA

En 1982, col primer Ayuntamientu socialista, recupérase n’Uviéu’l carnaval popular, col nome d’Antroxu, na Plaza del Fontán. Asociaciones vecinales y artistes collaboren cola fiesta. La idea de celebrar l’Antroxu espárdese pelos colexos, que son los que lo faen espoxigar.

En 1995, con Gabino de Lorenzo, camuda’l tiempu del Antroxu n’Uviéu pa que nun coincida colos d’Avilés y Xixón. Asina, vien como coche escoba recoyendo les charangues de les otres ciudaes pal desfile del carnaval.

Eso val como fiesta, pero como antroxu faise na Cuaresma y fuera de tiempu. Cuando yá pasó la povisa, vien l’Antroxu d’Uviéu cola folixa.

 

Los cuatro dies d’antroxu

L’antroxu entama’l sábadu o Domingu Lardeiru col plante la Vieya. Y fina’l Miércoles de Ceniza pela mañana col ritu de “quemar la vieya” o “enterrar la sardina”.  Los cuatro díes d’antroxu son:

 

“Sábadu frixueleru

domingu larderu

llunes gordu

y martes d’antroxu”

  

L’ANTROXU D’UVIÉU

La mazcarada escaecida.

 

Uviéu tenía nos sieglos XVI y XVII un antroxu tradicional. Les célebres mazcaraes d’iviernu en febreru son l’orixe del nuesu Antroxu. Y nun se facíen namás nes aldees: les pintures d’Evaristo Valle danmos testimoniu de so vezu n’Uviéu. Sabemos del Obispín, una mazcarada dientro de la propia Catedral de San Salvador ente’l 18 d’avientu y los Santos Inocentes, o de personaxes como La Destrozona, un home travistíu de muyer que daba escobazos a degüellu.

 

ANTROXU Y CARNAVAL

El Carnaval de la burguesía de Vetusta

Pola documentación municipal, o la obra del Padre Feijoo, sabemos que l’antroxu uvieíno taba vivu a finales del sieglu XIX y principios del XX.

En sieglu XIX la burguesía facía’l baille de Carnaval nel Casinu y Salón Bombé, d’etiqueta y non de mázcares. Facíase’l llunes de Carnaval. La Regenta cuéntalo en 1899. Antroxu y Carnaval celébrense en paralelo. El pueblu facia burlla de los señorones, cures y militares. Les muyeres empecipien a marutase.

Paseo del Bombé muy concurrido en Martes de Carnaval. Había más mujeres disfrazadas con la máscara puesta, se tornan más calladas “(sic)

                                 Correo de Asturias (1891), Carmen Ruiz- Tilve.

 

Col sieglu XX vienen los “desfiles d’antroxu” pela cai Uría con carroces engalanaes (Valle pintóles na cai Corrida, Xixón). Los dos antroxos, el popular y el burgués  axuntaben el martes d’antroxu col “entierru la sardinanel Paséu los Álamos.

“Ana se quedó sola. Desde el balcón abierto de su tocador se oía la música lejana del Paseo Grande donde se celebraba el carnaval

                                                           La Regenta, Leopoldo Alas, 1899

Fermín Canella cuenta en 1887 que los antroxos y carnavales, anque viníos a menos, siguíen siendo mui concurríos n’Uviéu. Habíen desapaecío costumes populares como los tiznes, los bigotes, les batalles de güevos o agua del regatu.

 

Las comparses a fines del XIX yeren poques, pero de sonadía. Tola ciudá participaba, especialmente la mocedá. Ente los nomes taben los diablillos, los zuavos, los húngaros, los árabes, a les que se xuntaben los trovadores y la tuna de la Universidá. Daquella yá taba perdío l’Entierru de la Sardina.

Fermín Canella. El libro de Oviedo, 1888.

Evaristo Valle pinta’l Carnaval burgués y l’Antroxu popular. Abanicu pal Baile de la Asociación de Prensa, 1917.

  

PROHIBICIONES

La represión del Antroxu d’Uviéu

Ordenances Municipales

 

“Por orden real acuerdan poner coto al carnaval, una costumbre de vestir disfraces, traída de «otras naciones diferentes» que es una ofensa a la majestad divina”.

Alcuerdu municipal  (1716)   Archivu Municipal Uviéu

Prohibición del Antroxu y Carnaval pola dictadura de Franco en 1937

 

PERSONAXES Y COMEDIES

 

  • PLANTAR LA VIEYA

 

Comedies

 

  • EL VIEYU Y LA VIEYA, EL CIEGU, EL TONTU…
  • LA PARIDA (escenifica un partu)
  • EL XUICIU (a la Vieya, a la Sardina…)
  • El PELELE
  • LA DESTROZONA
  • QUEMAR LA VIEYA o ENTERRAR LA SARDINA

 

Aiciones

 

  • TIRAR AGUA, CENIZA, GÚEVOS
  • DAR VEXIGAZOS

El Vieyu y la Vieya o Comedia del Ciegu.

(Les Comedies, Valdesoto)

 

LA DESTROZONA

La Destrozona ye’l personaxe más famosu del antroxu d’Uviéu, el que ta meyor documentáu y pasó a la hestoria. Tenía fama de dar tiyerones, tener la llingua llarga y nun dexar títere con cabeza. Nadie nun se llibraba de les sos coples satíriques, con mofles y escobazos.

 

LA DESTROZONA

NA PLAZA L’AYUNTAMIENTU

Cipriano el hojalatero,

Evaristo Valle 1945

El pregón de la Destrozona na Plaza l’Ayuntamientu va facer mofla y rechifla de les autoridades del Conceyu (“a quien correspuenda”), del gobiernu a la oposición municipal. El/la mandamás que se pique, que rasque, que la Destrozona da como pa fregar.

 

“Antroxando”, (hacia 1930)
obra del escultor candasu Antón
la Destrozona y la so pareya: El y ella.

La inversión de xéneros.

La destrozona –un home antroxáu de muyer- diba acompañada del so home –una muyer antroxada d’home.

La destrozona no destrozaba nada.

Hacía el carnaval por su cuenta.

Con una escoba usada,

un pañuelo en la cabeza,

una blusa y una falda

de su abuela

un delantal alpargatas

y dos melones por tetas.

Era un muchacho u obrero

el que así se disfrazaba.

Mascarita destrozona

era un muchacho con faldas.

Ahora lo llaman travesti,

entonces (Lavapiés zona)

lo llamaban destrozona.

Gloria Fuertes. “La destrozona”

  

 XUEVES DE COMADRES

Jueves de Comadres”, Evaristo Valle.

El Xueves de comadres ye l’últimu xueves enantes del Antroxu. Celebrábase en munchos sitios d’Asturies; quedó la tradición en Xixón y na Pola Siero. Axuntábense madres, madrines, fíes, afiyaes a pasar la tarde charrando y gastando bromes, amás de preparar una bona merienda, casadielles y teresites con xocolate o café. Una fiesta de muyeres que xuntábense pa divirtise, ensin la presencia los homes, celebrando la so lliberación. L’orixe podría tar nes Compitales romanes que, per unos díes, facíen el mundu al revés. Les comadres derivaron angüaño a les cenes y espeutáculos de boys.  Hai que da-y una vuelta ensin perder tradición, a lo que ye la esencia: una fiesta de paisanes. Mientres faen puntu de calceta acasu podríen falar del cambéu de mentalidá: de la igualdá y multiplicidá de xéneros, de los bonos tratos, de la cultura cuer… La mirada feminista tien de facer llabor, amás d’axuntar un piñu muyeres pal Antroxu.

 

EL PELELE

Figura fecha de paya o trapos que nos antroxos colgábase de los balcones o manteábase como chivu espiatoriu. Los neños insultábenlu y maltratábenlu hasta la hora de da-y matute, enterralu o quemalu. Ye un personaxe de carnaval, non sólo n’Asturies, en toa España.

El Pelele, Francisco de Goya, 1792.

Vieya costume de les muyeres (s. XVIII) yera mantear el pelele, muñecu de paya en figuratu d’home, faciendo risión y cantando-y coples:

          

                                     El pelele tá malu,

                                     ¿qué-y daremos?

                                     Agua de caracoles,

                                     que críe cuernos.

¡Arriba con él!

 

Dientro la inversión del xéneros del Antroxu simbolizaba’l poder de la muyer sobre l’home. La costume caltúvose hasta mediaos del s.XX.

 

    MADAMES Y GALANES

La Madama ye un home tresvistíu de muyer.

Les niñeres y los soldaos

Los quintos celebraben les sos despidíes con antroxos y aguinaldos. Los soldaos cortexaben a les niñeres nel Paséu del Bombé, yera una imaxe típica. La zarzuela fizo’l restu. Incorporóse al antroxu popular d’Uviéu nel sieglu XIX.

La madama y el soldáu, Os Reises.

 

L’OSU Y L’AMU

Esta pareya yera tradicional en munches zones d’Asturies.

L’osu, l’amu y el neñu.

L’osu y l’amu. Antroxu de Villamayor, 1915. Semeya, Montoto.

 

RECUPERAR PERSONAXES

 

LOS DIABLECOS. (DIABLURES Y TRASTAES) Tradición popular de la mitoloxía asturiana: los diablecos, los trasgos…El diablu ta en Les Comedies de Valdesoto.

 

TIZNAOS con corchu quemao o sarriu (hollín) de la cocina o chimenea.

 

BIGOTES, TIZNES, COLORETES, NAPIES DE PEGA

 

LOS ZUAVOS (SOLDAOS)

 

LOS HÚNGAROS (XITANOS)

 

LOS ÁRABES (MOROS).

 

ZAPARRASTROS

 

FELPEYOS (VESTIDOS DE SACOS)

 

ENSABANAOS (los del Sábanu)

 

LES DESTROZONES (ESCORRIENDO A LA XENTE CON ESCOBA).

Os Reises del Valledor

El Choqueiro, A Cardadora, El Rodalo, A Basoira, El Maragato, A Maragata, Os Guapos, Os Feos, El Soldao, El Valenciano, As Madamas, músicos y A Gocha (que diba ensin mazcarita col sacu).

 

Murgues y comparses

Nesta folixa nun faltaben les coples de la tradición oral. Les más d’elles anónimes, anque tamién sabemos l’autoría de dalgunes, como les d’Antón el Coque, recreaes por Jerónimo Granda en 1977.

Murga de Cazadores, Uviéu. El de la guitarra ye “El Coque”

 

 

Antroxando pallabres…

Nesta folixa nun faltaben cantares y coples de la tradición oral. L’Antroxu escontra la Cuaresma. Fame o fartura, barriga vacía o llena. El fueu y el fríu. L’añu que muerre y l’añu que ñaz. L’iviernu de lo qu’un día foi primavera: la mocedá y la vieyera. Ye’l ciclu mesmu de la vida.

La xuventú ye folixa, ye diversión, ye folgueta.
Les penes y desengaños quédense pa la vieyera.
Vosotros sois l’Antroxu, nosotros la Cuaresma.

Versos recitaos por Araceli Noval, vecina d’Oles (Villaviciosa)

Xigantones na fiesta de San Antonio, Cangues d’Onís

 

       Coples d’antroxu

    Folixa picardiosa

Nel Antroxu, remociquen los vieyos y avieyen los mozos. Nun hai más que ver cómo antroxen y les coples que se tiren:

Les chavalines d’Uvieo
muncho lluxu y fantasía
zapatos de venti duros
y la barriga vacía.

(Poema popular carbayón).

 

Pal Antroxu Fartón vamos falar con Milio del Nido que nos faiga frixuelos y nos cuente cuentos y cosadielles d’antroxu, el sábadu frixueleru. Platos d’antroxu hailos a fartar nestes fiestes en chigres y restoranes de la ciudá (pote asturianu, frixuelos, picatostes…), entós proponemos:

  1. Concursu de Llambiotaes Convocaráse un concursu llambiotaes en collaboración con dalgún chigre, convidando al vecindariu a participar.

Antroxu de Villamayor (Piloña). Faciendo churros. 1915. Semeya Montoto.

  1. Fame y Fartura L’antroxu comparte. “Fame qu’espera fartura, nun ye fame, ye bayura”. El domingu, tres del Antroxu fartón, vamos donar lo que sobre -que será abondo- a los Desayunos Solidarios de Ca Beleño.

 

 

TIEMPU D’ANTROXU

Díaz de Orosia, Carnaval en Oviedo

 

Dies del Antroxu tradicional d’Uviéu:

 

23  febreru      Xueves de comadres                    tarde y nueche

25  febreru      Sábadu frixueleru                        tarde y nueche

26  febreru      Domingu lardeiru        mañana, tarde y nueche

27  febreru      Llunes gordu                                                nueche

28   febreru     Martes d’antroxu                                       nueche y madrugada

         L’Antroxu tradicional diba percorriendo les cases del pueblu, picando a les puertes, faciendo trastaes, y recibiendo los dones del vecindariu –güevos, chorizos, dulces, sidra, vinu- que diben fartando, bebiendo o guardándolo nel sacu que llevaba la goxa al llombu o na burra. Esto yera correr l’antroxu.

L’itinerariu va pasar armando folixa per tol barriu:

  1. Pelos comercios tradicionales, les tiendes de comestibles.
  2. Pelos chigres y bares. Boca a Boca, El Mateín, Roma,  Ca Beleño…
  3. Peles cases onde abran la puerta o tiren dalgo del balcón –que nun seya l’agua va– pa meter a vecines y vecinos na folixa del antroxu.
  4. Pelos espacios alternativos: Paraíso, Partycipa, L’Arcu la Vieya, La Llegra, Decero, El Manglar…
  5. Escorriendo a los neños y neñes, es y chavalería que venga detrás, con idea de provocar a la xente menudo y la mocedá.

 

PERCORRÍU DEL ANTROXU

ESPACIOS (peatonales)

La Cai Paraíso

Los Postigos Altu y Baxu

La Cai San Xosé

La Corrada l’Obispu.

La Plaza’l Sol.

La Plaza l’Ayuntamientu

La Plaza’l Paragües

Trescorrales

El Fontán

La Calleja la Ciega

La Cuesta la Noceda

La Cai Gascona

 

 

L’arcu la Vieya ye como nomamos al arcu iris n’asturianu. ¿Quién yera “La Vieya”? Una vieya diosa que representa les fuercies de la natura y apaez en finxu’l cielu con un arcu máxico de colores cuando escampla la truena y dexa la tierra moyao pa que bilte la collecha.

Marutaos nesos personaxes d’Antroxu tán vieyos mitos ancestrales. La Vieya del Antroxu representa l’añu qu’acaba, el ritu del añu nuevu. “Plantar” o “colgar La Vieya” facíase al entamu del Antroxu. “Enterrar” o “quemar la Vieya” yera’l ritu del fin del Antroxu.

El Postigo ye’l llugar pa plantar la Vieya, Un símbolu del Antroxu encaramáu a la cerca d’Uvieu, delantre’l comerciu xustu “L’Arcu la Vieya”. Un pelele de paya vistío con ropa vieyo ye La Vieya”, que va guardar la puerta de la ciudá los tres díes d’Antroxu.

El nome “Arcu la Vieya” ye paxareru y préstase a renovar la tradición colos colores de la bandera gai ooooooo, lo que daría pie a la perspeutiva cuer na musicoloxía y etnografía asturiana.

 La comedia acaba’l Martes d’Antroxu, cola llectura del testamentu de La Vieya o l’Entierru la Sardina. Acabóse lo que se daba; col cleru topemos. La ilesia nunca nun vio con bon güeyu estes festividaes escandaloses, tentó d’acutales col Miércoles de Ceniza.

  • L’Entierru la Sardina: el bacalao no alto d’un palu, señala’l tiempu de penuria. Ta prohibío comer carne na Cuaresma.

Atrás queden los díes de fiesta, de fartura y escesos. Llega la Cuaresma (Quadragesima, periodu de 40 díes enantes de la Selmana Santa), qu’empecipiaba’l Miércoles de Ceniza, momentu que los fieles tornaben a la ilesia, ayunando o renegando de la carne. D’ehí la pallabra carnaval, del carnevale, de carne (carne) y levare (quitar). Queda la RASPA.

 

RASPA. Red Asturiana de PerformAcciones

 

TALLERES D’ANTROXU EN PARAÍSO

MÁZCARES, ANTROXOS, MÚSICA Y BAILLE

 

PRECEDENTE ye’l proyectu Paraísurural (2014) nel que se ficieron talleres artísticos nel pueblu de Vallinaoscura (Villaviciosa) con un taller de máscares tradicionales y una recoyida de datos orales ente  vecines y vecinos del pueblu, nel que los participantes de más edá ficieron memoria de “Los Mazcaritos”, los antroxos rurales onde poníen mázcares y “picornios” pa correr el campu y los pueblos, picando a les cases, que-yos daben “fayuelos” (frixuelos).

Taller de Máscares de Paraísorural (Vallinaoscura, Villaviciosa, 2014)

Vecinos y vecines faciendo máscares y recordando los antroxos de la neñez.

 

OXETIVU: Poner en valir la raíz cultural del Antroxu d’Uviéu y la so función, lúdica, participativa y reivindicativa del mediu rural y urbanu tradicional.

 

TALLERES D’ANTROXU

 

Materiales p’antroxar

Sacos d’arpillera o cáñamu

Lloqueros o cencerros (collarones con esquila).

Sombreros

Llenzu morenu. Loneta.

Mantes vieyes. Colches. Sábanes vieyes

Trapos vieyos.

Teles y xéneros.

Escobes de piornu.

Una cacheira o cachucha del gochu (pal Domingu Fartón)

Chorizos en riestra colgaos d’un palu

Llana d’oveya (blanca o prieta)

Fueyes de maizu

Palos y pértigues

Facer zancos.

 

Mataderu

Cuernos de vaca

Vexigues (hinchales y colgales a teyavana)

Les pelucones, bigotes de  pelu, llana oveya (o barbes del maíz.)

 

Música ratonera:

Matraques

Carraques

Tarrañes (dos palos como castañueles)

Castañueles.

Chiflos, xiblatos.

Turuyes.

Botelles d’anís.

Sartenes, potes de fierro.

Cuchares, garcielles…

Platos d’aluminiu pa facer platillos.

Bocines de coche.

 

Pa dar la murga.
Gaita

Tambor

Panderos, panderetes

Instrumentos de cuerda. ¿curdión?

Sacar ritmos, basaos en música popular.

O simplemente facer ruíu.

 

Baille

Deprender a baillar asturianu

Baille “agarrao”.

Pasudoble

El baille l’osu

 

Mázcares.

Papel de periódicu.

Cartones. Papel d’embalar

Güeveres de cartón (pasta papel)

Cola d’empapelar.

Cola de coneyu. Cola de pescao.

Pintures (pigmentos)

Escayola o yeso…

Pelleyu o cueru.

Cuerda. Cáñamu o bramante.

Estopa

Alquil (anacronismu).

 

Amazcaritase y pintarraxase

Fariña o talco

Corchu quemao

Colorete

Barra de llabios.

Betún.

 

Ropa vieyo

Camises

Calzones. Ropa vieyo.

Faldamentos

Zapatos

Alpargates de Nava (El Fontán)

Madreñes

Ropa militar (antigua)

Correaxe militar (de cuero)

Gorra cuartelera

Pañoletes

Mantón o echarpe de la güela…

 

Pa tirar:

Fariña.

Güevos

Ceniza de cocina…

(Papelinos de periódicu de colores, non confeti) 

 

Asegún noticia en prensa (16-09-2016), Uviéu va tar na Feria Internacional Máscara Ibérica de Portugal en mayu del añu 2017 en Lisboa. Nesti alcuentru desfilen les mazcaraes recuperaes n’Asturies, Galicia, Lleón, etc. La presencia d’una mazcarada del antroxu d’Uviéu permitiría non sólo facer promoción turística o gastronómica, sinón tamién amosar el patrimoniu inmaterial de la ciudá nesa manifestación etnográfica, artística y cultural.

 

PATRIMONIU CULTURAL INMATERIAL.

L’antroxu ye un patrimonio cultural inmaterial, como diz la UNESCO. Ye una manifestación cultural que se tresmite ente  xeneraciones, recreao poles comunidaes, ye un ritu n’interacción cola natura y tien pa la ciudá d’Uviéu y pa la comunidá d’Asturies un sentimientu d’identidá y de tradición.  Una recreación del antroxu tradicional d’Uviéu ente les comunidaes vecinales, culturales y hosteleres. La idea d’una cultura popular con identidá de barriu na ciudá.

UNESCO

Intangible Cultural Heritage

 

 

VALORES SOCIALES DEL ANTROXU TRADICIONAL

Paraíso ye una asociación cultural que tien un compromisu social. Tamos pola función social de les artes. Apostamos por renovar les fiestes de la ciudá, por da-y vida a cais y places con una cultura de barriu, solidaria y folixera. Les nueses actividaes tienen una ética y una estética de la fiesta.

  1. Integración de persones mayores. El proyeutu Antroxu trata de recuperar valores etnográficos identitarios, perdidos na ciudá. La investigación de campo mirará pa la memoria de les persones mayores, depositaries d’esa tradición. Son elles les que tienen el nuesu patrimoniu inmaterial.

 

  1. Integración de la mocedá del barriu y xente activo y de la ciudá. Ha facese una convocatoria pa talleres del antroxu y otra pa la Mazcarada d’Uviéu.

 

  1. Integración de persones inmigrantes na cultura autóctona asturiana. Lloñe de separtar o facer el caldu gordu de la globalización, apostamos pol diálogu de cultures. Los carnavales son propios de toles cultures del mundu, asina convidaremos a Asturias Acoje, asociación del barriu cola que trabayamos nel chiringo La Mateína.

 

  1. Tan importante como’l resultáu creativo, ye’l procesu participativo.

 

PROYECTU DE RECUPERACIÓN DEL ANTROXU D’UVIÉU

 

DESCRIPCIÓN ESPLICATIVA

 

Recreación del Antroxu tradicional. Febreru 2017

 

  • Estudiu etnográfico-histórico
  • Trabayu de campo (entrevistes y grabaciones, posible pieza audiovisual documental)
  • Involucrar a otres personas y coleutivos asina como a locales comerciales y hosteleros.
  • Estudiu y creación de personaxes del Antroxu d’Uvieu
  • Talleres:
    1. Máscares y trastería
    2. Costura y construcción d’elementos
    3. Música y danza
  • “Correr l’Antroxu”. Itinerarios pol Antiguo y alredores.
  • Charra en Museo de Belles Artes so’l cuadru d’Evaristo Valle y la so rellación col Antroxu d’Uviéu y les mazcaráes d’iviernu.
  • DÍES:
    1. XUEVES 23: Xueves de comadres. Xuntanza-merienda-fiesta de muyeres en Paraíso LC.
    2. SÁBADO 25: Sábadu frixueleru. Espaciu esterior, “Plantar la Vieya”. Primer salida d’Antroxu. Actividaes antroxeres y gastronómiques (concursu de llambiotaes). Amuesa de recetes típìques. Tarde y nueche.
    3. DOMINGU 26: Domingu lardeiru: Correr l’Antroxu, 1er itinerariu zona 1, Uviéu Antiguo. Mañana, tarde y nueche.
    4. LLUNES 27: Llunes gordu. Correr l’Antroxu, 2º itinerariu zona 2, Uviéu Antiguo. Nueche.
    5. MARTES 28: Martes d’Antroxu. 3er itinerariu zona 3, Uviéu Antiguo. Noche y madrugada. Entierru la sardina.

 

PARAÍSO LOCAL CREATIVO

Los espacios de coworking como Paraíso respuenden a les necesidaes del arte d’anguaño, qu’axunta artistes de disciplines estremaes pa compartir trabayu en comuña. La crisis tien estes soluciones de supervivencia, necesidaes non atendíes poles instituciones nin pola industria cultural o’l mercáu del arte. Formes d’autoxestión que-yos dan vida a movimientos artísticos emerxentes na ciudá. La vida cultural ta refuxao tres de la muralla medieval, arreglando un garaxe como espaciu multidisciplinar. La investigación de Paraíso mira pa dos frentes: l’artísticu y el social. Como espaciu de creación artística de vanguardia desarrolla la cultura local y abre redes con otros espacios creativos a nivel nacional o internacional.  Paraíso Local Creativo lleva cinco años de actividá y pola so trayectoria ye reconocío nos ambientes culturales y underground d’Uviéu.

Paraíso ye un referente na producción de talleres, performances, intervenciones urbanes y eventos artísticos, teatrales o musicales alternativos. Actividaes que cuenta siguir faciendo cola metodoloxía de llaboratoriu abiertu d’arte contemporáneu y social implicáu nel barriu y la ciudá.

 

Uviéu, 16 de payares de 2016.