Moon Duos

Anuncios

Vota pol Antroxu Tradicional d’Uvieu

 

photo397150017090070767

 La Destrozona

El domingu 27 de payares, a partir de les 11,30:00 de la mañana hasta les 14:30hores van votase los proyeutos sociales “FACIENDO CIUDÁ” que sofita’l grupu municipal SOMOS UVIÉU.

Paraíso Local Creativo presenta un proyectu artísticu, etnográficu, social y festivu: Recuperar l’Antroxu tradicional d’Uviéu. Una mazcarada escaecida, prohibida pol franquismu que vamos recrear a partir de personaxes como la destrozona o los zaparrastros, faciendo una comparsa pa correr l’Antroxu 2017 peles cais del barriu Antiguo. Pensamos abrir talleres pa estudiar y crear los disfraces, les mázcares, los personaxes, los bailles, les comedies, les coples, la música, los aguinaldos y los platos tradicionales. Queremos da-y vida a esta fiesta popular, compartila con asociaciones culturales y vecinales, el pequeñu comerciu y los chigres del barriu los díes del Antroxu: Xueves de comadres, sábadu frixueleru, domingu larderu, llunes gordu y martes d’antroxu.

Pero esti proyeutu solo va ser posible si nos ayudáis. Tamos seleccionaes, pero los proyeutos van escoyese por votación popular. A les 11,30, taremos na plaza l’Ayuntamientu coles demás asociaciones seleccionaes pa presentar la idea y a les 12:00 entama la votación y puedes votar hasta les 14:00h.

VOTA POL ANTROXU TRADICIONAL D’UVIÉU!

Pincha equí pa lleer más del proyeutu d’antroxu:https://localparaiso.wordpress.com/antroxu-tradicional-duvieu-faciendo-ciuda-copia-2/